ឯកឧត្តម គង់ ភោគ បង្ហាញកម្មវិធីសម្រាប់ជំនួបពិភាក្សា និង កិច្ចប្រជុំសំខាន់ៗនៅថ្ងៃនេះ

ភ្នំពេញ ថ្ងៃទី០៣ ខែសីហា ឆ្នាំ២០២២-- ឯកឧត្តម គង់ ភោគ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិបានធ្វើសន្និសីទសារព័ត៌មានជម្រាបពីព័ត៌ ដើម្បី បង្ហាញកម្មវិធីសម្រាប់ជំនួបពិភាក្សា និង កិច្ចប្រជុំសំខាន់ៗនៅថ្ងៃទី០៣ខែសីហា ឆ្នាំ២០២២នេះ ជុំវិញកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ។ 

 ឯកឧត្តម រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិបានឱ្យដឹងថា នៅថ្ងៃនេះមានជំនួបចំនួន៤ ដូចជា៖១.ជំនួបជាមួយសម្តេចតេជោ នាយករដ្ឋមន្ត្រី ២.ពិធីបើកិច្ចប្រជុំរដ្ឋមន្ត្រីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ៣.ការផ្តល់ពាន់រង្វាន់អាស៊ាន និងពិធីចុះហត្ថលេខាលើសន្ធិសញ្ញាមិត្តភាព និងសហប្រតិបត្តិការអាស៊ីអាគ្នេយ៍ និង កិច្ចប្រជុំសំខាន់ៗចំនួន៤មាន៖ កិច្ចប្រជុំពេញអង្គ រដ្ឋមន្ត្រីការបរទេសលើកទី៥៥ ,ជំនួបអាហាររបស់រដ្ឋមន្ត្រីការបរទេស និងកិច្ចប្រជុំចង្អៀតរបស់រដ្ឋមន្ត្រីការបរទេស និងកិច្ចប្រជុំត្រីភាគីរវាងកម្ពុជា លេខាធិការដ្ឋានអាស៊ាន។

 ក្រៅពីនេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានទទួលជួបជាមួយឥស្សរជនអន្តរជាតិចំនួន២រូបគឺ ឯកឧត្តមទីប្រឹក្សារដ្ឋ វ៉ាង យី រដ្ឋមន្ត្រីការបរទេសនៃសាធារណរដ្ឋប្រជាមានិតចិន និងឯកឧត្តមរដ្ឋមន្ត្រីការបរទេសកាតា។ 

បន្ទាប់មក ឯកឧត្តមរដ្ឋមន្ត្រីការបរទេសកាតា ជួបពិភាក្សាជាមួយសម្តេចតេជោ ហ៊ុន សែន និង ចូលគាល់ព្រះមហាក្សត្រនៃព្រះរាជាណាចក្រកម្ពុជាផងដែរ។ នៅថ្ងៃនេះដែរ រដ្ឋមន្ត្រីការបរទេសអាស៊ាន រូមជាមួយអគ្គលេខាធិការអាស៊ាន នឹងចូលរួមពិភាក្សាការងារនិងផ្លាស់ប្តូរទស្សនៈជាមួយសម្តេចតេជោ ហ៊ុន សែន ជុំវិញភាពពាក់ព័ន្ធវឌ្ឍភាពនៃដំណើរការការកសាងសហគមន៍អាស៊ាន និងបញ្ហាប្រឈមគំនិតផ្តួចផ្តើមនានា សម្រាប់ស្តារសេដ្ឋកិច្ច និងសង្គមក្រោយវិបត្តិជំងឺកូវីដ១៩ និងបញ្ហាក្នុងតំបន់ និងសកលកំពុងកើតឡើងក្នុងតំបន់របស់យើង។ 

 រដ្ឋមន្ត្រីការបរទេសអាស៊ាន និងអគ្គលេខាធិការអាស៊ាន នឹងបន្តជាកិត្តិយសចូលរួមក្នុងកម្មវិធីពាន់រង្វាន់អាស៊ាន ព្រមទាំងចូលរួមកិច្ចប្រជុំពេញអង្គដោយពិភាក្សាផ្លាស់ប្តូរលម្អិតពាក់ព័ន្ធស្ថានភាពក្នុងតំបន់សកល រួមមានសហគមន៍អាស៊ាននិងតំបន់ មួយចំនួនទៀតដែលកំពុងកើតមាន នៅក្នុងតំបន់អាស៊ាន និងក្រៅអាស៊ានផងដែរ រួមមាន សហគមន៍អាស៊ាន លទ្ធភាព លទ្ធផល សំខាន់ៗរបស់អាស៊ានឆ្នាំ២០២២ ការស្នើចូលរួមរបស់

ប្រទេសទីម័រខាងកើត លទ្ធផលទំនាក់ទំនងរបស់អាស៊ាន និងដៃគូ និងក្រុមការងារជាន់ខ្ពស់សម្រាប់ចក្ខុវិស័យសហគមន៍អាស៊ាន ក្រោយឆ្នាំ២០២៥ ដូចជាបញ្ហាក្នុងតំបន់ និងសកលមានបញ្ហាវិបត្តិនៅមីយ៉ាន់ម៉ា និង សមុទ្រចិនខាងត្បូង៕ដោយ៖ គង់ សិរីរ័ត្ន, រូបថត៖ ផែន រតនៈ និងឯល វឌ្ឍនៈ សម្រួលផ្សាយដោយ៖ dara