ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ចបន្តដឹកនាំអង្គសន្និបាតបូកសរុបលទ្ធផល ការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអធិការកិច្ច

នារសៀលថ្ងៃចន្ទ ៣កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១២ ខែកុម្ភៈ ឆ្នាំ២០២៤ នៅសណ្ឋាគាររ៉េសុីដង់សុខា ភ្នំពេញ អង្គសន្និបាតបានធ្វើបទអន្តរាគមន៍ និងកិច្ចពិភាក្សា ចំនួន១៤ ពាក់ព័ន្ធនឹងបទពិសោធនៃការងារអធិការកិច្ចហិរញ្ញវត្ថុ ការងារអធិការកិច្ចផ្ទៃក្នុងរបស់អគ្គាធិការដ្ឋាន និងអធិការដ្ឋាននៃក្រសួង ស្ថាប័ន ការងារអធិការកិច្ចរបស់មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ការពង្រឹងស្ថាប័ន និងការកសាងមូលធនមនុស្ស និងការកសាងលិខិតបទដ្ឋានគតិយុត្តរបស់ក្រសួងអធិការកិច្ច ក្រោមការដឹកនាំសម្របសម្រួលរបស់ ឯកឧត្តមរដ្ឋមន្រ្តី ក្នុងគោលដៅ ស្ដាប់ពីចំណុចខ្លាំង ចំណុចខ្វះខាត និងបញ្ហាប្រឈម នានាក្នុងវិស័យអធិការកិច្ច ដើម្បីស្វែងរកដំណោះស្រាយ ធានាប្រសិទ្ធភាព និងសុខដុមនីយកម្មក្នុងការអនុវត្តមុខងារអធិការកិច្ច៕